Demonstraschoon an'n internaschonaalen Minschenrechtsdag (10.12.): De Wiehnachtsmann is ok dorbi"Take action to stop this war": Dat annere Amerika


"De Amerikaaners wüllt partu en Krieg gegen Irak." Dat höört een vundaag allerwegens. Is avers nich so! Dat gifft heel veel Amerikaaners, de dor nix vun weten wüllt - bloots in de Massenmedien duukt se nich op. Dat mal dokmenteert warrt, wat de Fredensgruppen in de USA allens daat, wa tapfer un vertwievelt se gegen de Medien-Övermacht in ehr Land kämpt, dorto heff ik düssen Text översett; damit wi de Amerikaaners as Naschoon nich Unrecht daat - un damit wi us nich vun dat dösige Antiamerikanismus-Gequatsche hier in Düütschland inwickeln laat.


Oproop vun "United for Peace", schreven vun Leslie Cagan


Gifft dat jichenseen Weg, düssen wahnsinnigen Toog to'n Krieg optohollen? Gifft dat jichenswat, wat een daan kann, den Alpdroom to stoppen vun Bombenangriepen un de Invaschoon un Besetten vun Irak dör teindusende US-Suldaten? Un waveel Tied hebbt wi noch, bet Washingtons Krieg los is?

Nix is seker bi düssen Krieg gegen Irak - bloots een Saak: Wenn wi nich allens Minschenmöögliche daat, dat noch ümtobegen, warrt de gröttste Armee siet Minschengedenken gegen de Minschen in Irak loslaten.

United For Peace, een niege landswiede Kampagne, hett een Oproop för lokale, dezentraale Akschoonen loslaten an'n 10. Dezember, den internaschonalen Dag vun'e Minschenrechte. In de wenigen Weken siet den Oproop weer de Resonanz vun landswiede Organisaschoonen un ok vun lokaale Gruppen gewaltig. In Dutzen vun Städten un Dörper organiseert Lüüd Veranstaltungen gegen den Kriegstoog.

Woso an'n internaschonaalen Minschenrechtsdag, woso merrn in'e Week?

Wat gifft't denn för en gröttere Verletzen vun Minschenrechte as en Krieg ut dat Motiv, Ööl to kunnerleern un de Herrschap to vergröttern? Staats unschüllige Lüüd to bombardeern, streevt wi na en Welt, 'neem Butenpolitik op den Respekt för de Rechte vun alle Völker un Minschen baseert un de internaschonaalen Gesetten acht. Un wenn wi an en Arbeidsdag de Antikriegs-Veranstaltungen maakt, geevt wi noch en wichtige Bott: Wi köönt un wi warrt den normalen Alldagsafloop in düt Land ünnerbreken. Wi warrt versöken, de Lüüd merrn in ehrn Alldag optowecken un dorop to stötten, wat Washington mit jümehr Geld un in jümehr Naam deit.

Düt is, wat alle Amerikaaners daan köönt:

  • Maakt Se mit bi een vun de Protesten, de al plaant sünd. Op www.unitedforpeace.org oder www.peacepledge.org finnt Se, wat in SeEhr Stadt plaant is.
  • Geevt Se Informaschoon un Antikriegs-Fleegbläer rut. Texten dorför finnt Se ok op www.unitedforpeace.org. Stellt Se sik vör, 10.000 Lüüd geevt je 100 Stück dorvun rut - een Milljoon kunn verdeelt warrn!
  • Begegent Se de Kriegspropaganda dör en Teken in SeEhr Fenster oder Döör, an SeEhrn Arbeidsdisch oder an'n Rucksack.
  • Demonstreert Se Ehr Gegnerschap gegen den Krieg dör en blaag-witt Band oder Opkleber - draagt Se dat bi de Arbeid, in'n Supermarkt, in Bus un Bahn.
  • Laat Se Ehr Stimm höörn! Ropt Se dat Witte Huus an un seggt Se jüm NO WAR ON IRAQ!!! De Nummer is 202-456-1111. Laat us jüm mit Anropen toschütten, dat ehr Draht jümmers besett is.

Dör de ganzen USA bildt sik sachen en Massenbewegung. As Washington to'n Krieg losgüng, sünd Minschen ut de ganze Naschoon dorgegen in Gang kamen. Dat apensichtlichste Bispill weer, as 133 Afordnete vun't Repräsentantenhuus dorgegen stimmt hebbt, dat George W. Bush de Militäärknööv benütten dröff, egaal wenn em de Sinn dorna steiht. Natüürlich weer dat Schiet, dat de Resoluschoon liekers dörkamen is, man överleggt Se maal, wat dor allens achter steiht, dat de 133 Afordneten dorgegen stimmt hebbt:
Dusende Lüüd överall in't Land laat nich bloots ehr Stimm höörn, sünnern dwingt ehr Afordneten, in de richtige Wies aftostimmen. Tosaam mööt dat Hunnertdusende Telefoonanrope, Faxe un Emails an de Kongressafordneten west ween - allens in poor Weken. De Lüüd harrn sik noch nich organiseert, dat weer allens spontaan. Poor Oproop to Wedderstand geev dat al, sünnerlich in't Internet; man dat wichtigste is, dat dat Wedderstahn gegen den Krieg, dat de Minschen överall föhlt, utdrückt wurr un Wirkung harr.

Un dat gifft annere Teken, dat de niege Antikriegsbewegen in Gang kamen is: Grootdemonstraschoonen vun bet to 150.000 Lüüd in Washington DC, Ganzsieden-Inseraate in grote landswiede Daagsbläer; Dutzen vun Stellungnahmen vun religiöse Wördendreger vun alle Glovensrichten; lokaale Inischativen in jümmer mehr Städte; un daagdääglich grote un lütte Demonstraschoonen vun Studenten un Junglüüd ut alle Levensberieke.

An'n 25. Oktober hett sik in Washington DC United for Peace gründt - ut 50 landswiede Fredensorganisaschoonen, de sik tosaamslaten hebbt, wieldat elkeen sin Arbeit stärker un bedüdender warrt, wenn wi op en gemeensamen Grund tosamenstaht. An'n 15. Februar wüllt wi in New York City en Grootdemonstraschoon afhollen, to de glieke Tied, 'neem ok in de europääschen Hauptstädte demonstreert warrt. De Liste vun Organisaschoonen, de al mitdaat, steiht nerrn. Jedeen Dag kaamt mehr dorto. Wokeen mitdaan will, kann op www.unitedforpeace.org nakieken, wat to daan is.


Översett vun Marlou Lessing
Mehr to'n Schmökern: www.unitedforpeace.org
...un op www.peacepledge.org gifft't en digitaale Ünnerschriftenliste gegen en Krieg!


Mitmakers bi United for Peace:
American-Arab Anti-Discrimination Committee
American Friends Service Committee
Americans for Social Justice
An Absurd Response to an Absurd War
Anti-Capitalist Convergence
Black Radical Congress
Brockport Students Against War (BSAW)
CAAAV Organizing Asian Communities
Campus Greens
Center for Community Change
Center on Race, Poverty & the Environment
Central Nebraska Peace Workers
Change the Game
Citizens for Participation in Political Action (CPPAX)
Citizen Works
Committee to Free Pedro Pacheco
Committees of Correspondence for Democracy and Social Justice
The Connected Collective
Democracy Rising
East End Women in Black
Education for Peace in Iraq Center (EPIC)
Ella Baker Center for Human Rights
Georgetown Peace Action
Global Exchange
Grassroots International
Green Party of the United States
Greenpeace
House of The Goddess Center for Pagan Wombyn
Houston Coalition for Justice Not War
Independent Progressive Politics Network
International Socialist Organization
Institute for Policy Studies, Peace Working Group
Iraq Pledge of Resistance
A Jewish Voice for Peace
Jews for Racial & Economic Justice
KhaYUMbia
Lamorinda Peace and Justice Group
Left Turn
Long Island Alliance for Peaceful Alternatives
Middle East Children's Alliance
Middle East Research and Information Project (MERIP)
Military Families Speak Out (MFSO)
Mobilize New York
National Coalition for Peace and Justice
National Council of Churches
National Network to End the War Against Iraq

NETWORK, A National Catholic Social Justice Lobby
Not In Our Name
Nowar Collective
Pax Christi USA
Peace Action
Peace and Justice Task Force, Rocky Mountain Conference, United Church
of Christ
PeaceNoWar
Peninsula Peace and Justice Center
People Against Oppression and War
Peoples NonViolent Response Coalition (PNVRC)
Psychologists for Social Responsibility
Raging Grannies (Peninsula, CA chapter)
Ruckus Society
San Miguel Peacewalkers
September 11 Families for Peaceful Tomorrows
Shalom Center
Shobak.Org (Outsider Asian Voices)
SOA Watch
Socialist Action
Strategic Pastoral Action
Student Environmental Action Coalition (SEAC)
Student Peace Action Network (SPAN)
Students Take Action for New Directions (STAND)
Students Transforming and Resisting Corporations (STARC)

Taking Aim
Texans for Peace
The Thomas Paine Project
TransAfrica Forum
TrueMajority
United for Justice with Peace
United Students Against Sweatsops (USAS)
University of Maryland, College Park Peace Forum (UMCP Peace Forum)
US Peace Council
United Students Against Sweatshops
Veterans for Peace
Vietnam Veterans Against the War
War Resisters League West
War Times
Washington Peace Center
West Sonoma County Women's Peace Group
Women's Action for New Directions (WAND)
Western States Legal Foundation
Women's International League for Peace and Freedom, U.S. Section
Working Assets
Z Magazine and ZNET


na baven