Sporschwien

vun Friedrich Ehlbeck


 

 

 

 

 

 

 

Geld her!

 

 

 

 

 

 

 

 

Gürtel enger snallen

 

 

 

 

 

 

 

 

 

 

Knipp lerrig

 

 

 

 

 

 

 

 

 

 

 

 

 

 

 

Geld her!

Mit den Euro gifft dat Pries,
dor brukst de Cents bald zentnerwies.
De Mark is nich mehr ganz veel wert,
dat is, wat mi an Euro stört —
un dat mi nich so veel gehört.

Dat kratzt doch keen Swien!

Vadder Staat schient mi gefräßig
un miene Mittel mittelmäßig.
Wo kriggt de Staat sien Mittel her?
Vun mi un nich ut Mittelmeer.
Is man mit dat Geld to flott,
öber kort oder lang kummt man to kort.
Dat letzte End, dat heet Bankrott.
Een so'n Grenz heet Insolvenz.
Meistentiets un ogenblicklich
makt wenig Geld uck wenig glücklich.
Makst veele Miese, kummt ne Krise.

Swien ganz cool

Denn ward de Gürtel enger schnallt.
Dat dor bloß nix runnerfallt!
Mit Regierungen is dat uck so'n Fall,
wat man dormit woll noch schall?
Richtig ümgahn mit de Piepen
kann Vadder Staat nich good begriepen.
De veelen Schulden, de dor sünd,
har man uck sülben maken künnt.
Aber leider, wie man süht,
hett man nich so veel Kredit.
Schulden maken geiht woll schön —
wenn se dor sünd, denn ward stöhnt.
Nu mutt man sick mit Stöhnen
den Luxus afgewöhnen.

Geld her! Orr ik biet!

Hoge Staatsverschuldung, dat passiert,
wenn toveel kloke Lüer regiert.
Wör'n veel de verkehrten Gelehrten.
Weniger Schulden hebbt sick bewährt.
Wann de Gelehrten dat woll lehrt!
De schulln doch de Penunzen
leever sporn un nich verhunzen.
Wer Vadder Staat as Vörbild nimmt,
de makt pleite — ganz bestimmt.

Geld to kriegen is nich schlecht,
dat ward up veele Art versöcht.
Wer kennt den Schnack woll nich
vun't Geld, dat up de Straaten liggt?
Good, wer Möglichkeiten hett
un annere för sick sammeln lett!
Man hett sogor all Arbeit nommen,
bloß üm an Geld mol rantokommen.

Klei mi doch an'n Allerwertesten!

Veele Minschen mit Verstand
hebbt wat up de hoge Kant.
Wer inne Not wat hebben mutt,
de haut sien Sporschwien denn kaputt.
So'n Schwien heff ick mi upbewohrt,
bloß: dat Schwien hett gornich sport!
Hett mi aber bös verdraten —
up keen Schwien kannst di verlaten!

Frohes nieges Johr!

 

 

 

 

 

 

 

 

 

 

 

Geld her!

 

 

 

 

 

 

 

 

 

Tresor lerrig

 

 

 

 

 

 

 

 

 

 

 

 

 

 

 

Geld her!


1.3.2008


na baven