Wi hebbt tauliernt,
ierst hebbt wi beten streikt un demonstreet,
denn hebbt wi mit Plåstersteen attackeert,
denn hebbt wi ok maal Autos un Müllcontainers anbööt.
Leeg weer dat denn mit de Raf.
Nu aver hebbt wi't funnen, woans wi unsen Unwillen utdrücken
köönt:
Wi warden Wootbörger!
Wi föhrt mit uns Auto in de Neegde vun uns Demonstratschoon,
stiegt ut, gåht de poor Schreed
un denn sprütt wi Gift un Gall
un kaamt in Fohrt.
Na een, twei Stunnen dull Tokehrgahn
fohrt wi wedder na Huus,
Bundesliga kieken
un den Dööst löschen.
Nu köönt de Regeerers aver nich miehr regeern. Na und?
Denn wählt wi neegst maal anners annere.
|
