To 'n 80. Geburtsdag

vun Brigitte Fokuhl


Du büst nu achtig, wat sall sien?
Wi seggt: So olt ward nich mal'n Swien.
Man nu kaamt s' all to'n Gratuleern,
un du warrst Kumpelmenten höörn:
wo goot du utsühst... un noch wat.
Se swöögt di vör, dor büst du platt.
Un doch, dat is nu to vermellen,
du warrst twors achtig Johren tellen,
doch sühst du glatt as söbentig ut.
Dat seggt se di, dor kaamt s' mit rut.
Na kloor, du büst bi'n Putzbüdel west,
nix is to düer för dit Fest.
Dat fiert je nich jedereen,
un dorüm is dat duppelt schöön.
Un Blomen hest du vele kregen,
vun dienen Paster Gottes Segen.
Se wüllt di all wat Godes doon,
hest gor keen Tiet, di uttorohn.
Dat is mal so, se kaamt all ran:
nu nimm dien Glas un stööt mit an!

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven