Dat Johr

En Fehmarnriemel vun Walter Meß


De Wiehnachtstiet hebbt wi bald hatt,
bi uns op't Lann un in de Stadt.
De Gottsdeenst un dat Krippenspeel,
dat geev uns Fehmaraner veel!

Mit grote Schreed gaht wi nu hen
tosaam all na dat Johresenn...
Wi kiekt torüüch op't ole Johr,
op all uns Wünsche wörrn nu wohr?

Nich allns kann nu Erfüllung warrn,
dat Schicksal höllt uns oft to'n Narrn!
Nu hööp wi all för't niege Johr,
dat vele Wünsche warrd uk wohr!

En beten Glück gehöört dorto,
leve Lüüd, dat wünsch ik jo!
Laat uns man alltosam nu beden
to Johresenn för veel mehr Freden!

Ik wünsch jo all, wenn't irgend geiht,
för't niege Johr Tofredenheit,
Gesundheit jo, en langet Leven,
dat allns tosam mit Gott sien Segen!


29.12.2013


na baven