Gnadenhochtied — 70 Johr

vun Behrend Böckmann


Sœbentig Johr tausåmen läben
deit dat blot ganz selten gäben,
doch uns Por is sik hüt wiss,
dat dat Schicksal gnädig is.

Wenn't ok nich ümmer licht is follen,
ümmer wür tausåmen hollen,
un güng dat ok mål up un dål —
sei wier dei Queen, hei Prinzgemåhl,

ok dei hemm' friecht in jungen Johren
un in ehr Läben denn erfohren,
dat af un an mål Rägen föllt
in ein noch so heile Welt;

doch woans künn't anners sien:
nå Rägen kümmt dei Sünnenschien!
Un wier dei Düsternis vergåhn,
wür wedder gnädig sik verståhn;

bi Rägen güng nie wat kaputt,
nie nich güng dei Leif in'n Dutt,
un dei höllt nu all sœbentig Johr.
Wi gratuliern uns Gnådenpor:

Den Häben gellt dei gröttste Dank,
dei gnädig wier juch Läben lang,
un jederein von uns bedenk:
dat Gnadenfest is ein Geschenk!



na baven