De Mann

vun Marita Pollak


De Mann is för uns Fruuns
en besünneres Geschenk.
Wi sünd froh, dat he
männichmol för uns denkt.
He is so stark, so charmant,
hett jümmers gode Luuns,
un he leeft uns Fruuns.
Wenn wi anners denkt, —
hebbt wi em verkannt.
Modig is he, Angst kennt he nich.
Fehler hett he ok nich.
Wenn wi em röppt, kümmt he glieks rennt.
Se twiefeln? Se glövt mi nich?
En Mann, de uns to’n Lachen bringt,
de ok noch geern en Leed mitsingt
un so scheun mit uns danzt,
de is för uns Fruuns en Geschenk.
Solang he kann, is he üm uns bemeuht,
he mookt uns jümmers bloots veel Freud.
Ok wenn en Mann al oolt is,
woneem he uns ansmüüstert,
warrt uns üm dat Hart so warm.
Is dat nich wat Wunnerbores, — so en Mann?


9.11.2008


na baven