Dat neje Jahr

vun Rolf Grebener


Nehm dree Frünnen mit dör't Jahr,
denn büst du neet alleen,
se stütten di in schware Tiet,
gloov dat, denn warst du't seen!

De erste Fründ, de gifft di Kraft,
he wiest di't all van't Fern
uns moie Eer ant Hemelstelt,
dat is de hellste Stern.

Word di dat bang vör't komen Dag,
graut di dat vör de Mörgen?
Dann kummt de twede Fründ bi di,
he nimmt di all dien Sörgen.

Hopen gifft he di up't Weg,
un maakt di düchtig Maut,
wenn du de Herr in Hemel traust,
dann ward ok alls good.

De darde Fründ brengt Leevde mit,
völ Leevde in din Leven.
Dat du van Harten schenken kannst,
kannst Leevde wiedergeven.

So wanderst du vergnögt dört Jahr,
is ok de Hemel swart,
din Frünn,
de Gloov, de Hope un de Leevde,
de wohnt in din Hart.


3.1.2010


na baven