Rosen-Hochtiet
(10 Johr verheiraat)

vun Brigitte Fokuhl


Nanu, wat sünd denn dat för Schosen?
De Fru kriggt vun ehrn Mann teihn Rosen.
He hett ok gor keen slecht Geweten,
hett doch den Dag hüüt nich vergeten.
Dat is noch gor nich lang Tiet her,
dat bi juch "gröne Hochtiet" weer.
Wo is dat allens so gau gahn!
Ji hebbt den Olldag goot bestahn.
Dat kriegt nich alle Lüüd so hen.
Männigeen hett Knaatsch — un wat kümmt denn...?
Kiekt juch mal üm, denn warrd ji sehn,
't gifft wekke, de loopt uteneen.
Doch is dat beter, as wi meent:
bi "trouble" warrd sick nahst versöhnt.
Stellt juch nich an as wie Mimosen,
kööpt lever mal 'n Struuß mit Rosen.
Seggt allens Gode dörch de Bloom,
so is dat Leven 'n Summerdroom.

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven