Wat is blots los an'n letzten Dag?
Silvester allens juucht un lacht.
All sünd se bannig ut de Tüüt:
Dat ole Johr, dat is rum hüüt.

Weer ok manch Dag nich na dien Snuut,
harrst mennichmal ok bannig Wut.
Wees dankbor, wenn in bitter Noot
dien Hergott hölp — denn dat dee goot.

Beginn dat niege Johr mit Moot,
denn flutscht de Kraam, — denn warrt dat groot.
Vergeet dat ni: Op all dien Wegen
löppt gor nix rund ahn Gott sien'n Segen.