Morgen kümmt de Wiehnachtsmann

överdragen vun Marlou Lessing



Morgen kümmt de Wiehnachtsmann,
kümmt, uns veel to geven:
Püpp un Peer un Sang un Speel,
Wiehnachtsmann bringt Freuden veel,
oh, wat is dat för en Weel!
Meist, as weer'k in'n Heven!

Bring uns, leve Wiehnachtsmann,
bring uns morgen rieklich
Panther, Boor un grulig Deert,
ok en fien smuck Schaukelpeerd,
bloots keen Tüüchs, dat Kriegspeeln lehrt —
lever blievt wi friedlich!

Wiehnachtsmann, du kennst uns Wünsch,
kiekst uns in de Harten.
Wat wi Kinner wünschen doot,
is: dat gah all Minschen good,
un op't best kümmst sünner Rood —
ja? Denn kannst nu starten!



na baven