Software is düür, dat weet een ja. Un wat nix kost, dat is ok nix weert — denkt mennig Lü. Un so gaht de Lü los un kööpt sik "richtige" Programme för Textverarbeitung, Tabellenkalkulaschoon usw., ofschoonst se Works op den PC hebbt. Dat mutt nich ween! Gode Software is nich jümmers düür, un Works is en teemlich düchtiges lüttes Kraftpakeet. In düssen Kurs seht Se, wat een allens mit Works maken kann: schrieven, Termine verwalten, reken, Datenbanken anleggen un plegen, de Programme tosamenwarken laten, t.B. in Serienbreven — un dat allens ok ganz komodig mit Hülp vun de velen Vörlagen, de Works intus hett.

Düsse Kurs behannelt de Verschoon Works 8. Man ok mit öllere Verschoonen köönt Se dat bruken.