 |
|
Advent 2017 Herr, wo anners schäöllt wi hengaohn? Joh. 6,68 |
|
2. Advent: Teuwen up dei neie Welt Dat eine dräöwet gi nich äöwerseihn:
bi den Herrgott is ein Dag as duusend Johre un duusend Johre sünd
ein Dag. Dei Herr töff nich mit dat Inlösen van dat Vörutsäggte,
as dei meent, dei van ein Henhollen schnacket; hei hätt blots
Geduld mit jau, hei will nich, dat einer verkummp, aale schäöllt
sick bekehren käönen. Den Herr sien Dag aower kummp stillkens.
Denn vergaiht dei Häwen knäterig, dei Elemente verbrennt
un vergaoht, dei Eern un aals up ehr finnt man nich wedder. Wenn
dat aals so passeiert: heil hillig un fraom mäötet gi
denn läben, den Herr sienen Dag affteuwen un up sien Wedderkaomen
henwarken! An dissen Dag vergaiht dei Häwen in Für, un
dei Elemente schmeltet weg in dit Für. Denn luurt wi, at hei
vörutsä, up einen neien Häwen un eine neie Eern,
wor Gerechtigkeit waohnt. Dorup teuwet gi, so seiht uck tau, dat
hei jau aohne Sehr un Fählers un in Freeden andröpp. Dei tweide Breif van den Apostel Petrus 3,8-14
Tausaomenstelln un Biller: Ludgerd
Lüske
10.12.2017 |
