Atheist gegen Gott:
Ludwig Feuerbach

vun Rudi Witzke

To'n Anhören hier klicken:

Lesen deit Rudi Witzke in vörpommersch Platt.

Ludwig Feuerbach seggt:

"De Gloov geiht nootwennig in Hatt, de Hatt in Verfolgen över,
wo de Macht vun den Gloven Wedderstand finndt,
sik nich breekt an en Macht vun en annern Gloven,
an de Macht vun de Leev, de Humanität, dat Rechtsgeföhl."

De urchristlich Gemeind is in Jerusalem nich nastellt worrn, wieldat se Macht up anner Minschen utövte, sünnern wieldat mit ehr sik de christlich Gloov utbreiden dää, wat de religiösen Machthaber nich dullen wulln.

Fra Angelico, Predigt vun 'n Hilligen Petrus

De Christen wörrn in de sozialistischen Länner nich verfolgt, wieldat se de Kommunisten de Macht roven wullen, sünnern wieldat de Machthaber in de Gloven un in de christlich Neegstenleiv en Gefohr för ehren Unrechtsstaat sehgen.

De christlich Gemeind in't Römsche Riek ist nich verfolgt worrn, wieldat se Macht up Minschen utövte, sünnern sik nich de heidnisch Religioon anpasste un ehren Gloven truu bleev.

Ierst as de Regeerer in Rom wies wörrn, dat de christlichen Gemeinden nich dörch Vermischen vun Religionen uptolösen noch dörch brutalstes Verfolgen toschann to maken weern, güngen se en anner Weg: Se güngen dortau över, de Christen an de Macht deilnehmen to laten. Hier aver güng dat to Enn mit de Glovensgeschicht vun de Urchristlichen Gemeinden un begünn de vun Jesus verurdeilte Machtpolitik vun de nie entstahn Kark.

Jesus sää to siene Nafolgers:

De Könige herrschen över de Völker as Tyrannen, un de Machthaber unnerdrücken, wokeen se köönt. Wokeen groot sien will, de schall annere deinen...
Matth.20, 25-26

Dat Anerkennen vun den christlichen Gloven in Rom bedüüdt Deilhebben vun Lüüd vun dat christlich Establishment an de politsche Macht. Dat harr dat Teel, dat römsche Riek insgesamt to fastigen.

De Geboort vun de katholsche Kark weer keen Sieg von Jesus sien Leev, sünnern dat Upkamen von en niegen Machtfakter, de sik dörch Religioon verkleedte. De Leev an Gott wöör dörch dissen politschen Trick nich stark maakt sünnern minnacht. Feuerbach sien Utsaag is dorneven.

Ut "Das Christentum im Urteil seiner Gegner" vun Karlheinz Deschner

Bild Rudi Witzke