|
Een levt
sien leven
mit den hillig avend
un jümmer wedder
mit de besünner nacht
toierst lockt di
de glimmern boom
mit kerzen
un appel un lametta
un o du fröhliche
Un vadder leest
wat vun
en mudder un en kind
un Stierns
herder un schaap
sungen ward
de süsters
fiedeln
un de brauder
sitt an't klavier
denn hest
dien eigen Huus
fruu un kinner
un jümmer kümmt
de hillige nacht
johr för johr
warrst gor nich
wies wo snell —
dien öllst is
al ut'n Huus
un denn
kümmt mit smarten
de hillig nacht
wo du ganz alleen
dörch de nacht geihst
hillig avend
kümmt jümmer noch
di drifft dat ruut
an'e kimm dien Dörp
du bruukst dat rick as stütt
dat alleensien
drückt di daal
de sünn is ünnergahn
de küll krabbelt hooch
grippt na't hart
un dorbi is hillig nacht
vun de du nu wat ahnst
dat glemmern is bleven
de wöör de blieven
vun de nacht
du versteihst
"Hebbt ja keen bang!"
föhlst mit de herder
de nacht is vull
glockenklang un engelssang
|
