De Eierhütt in'n Jenischpark vun Katja Renfert Dat Woort "Oostern" is vun den Naam vun de germanische Fruchtborkeits- un Fröhjohrsgöttin Eostre (verwandt mit greeksch Eos, latiensch Aurora = Göttin vun de Morgenröte) un vun de slawische Eerdgöttin Ostra afleidt. Dat "Ooster"-Ei, en Kring, is en Symbol vun den Kringloop, Hilliges nieg maken. Düsset Symbol hett de Kark later övernahmen. In Hamborg gifft dat en so nöömte "Eier-Hütt", un twoor in unsen Jenisch-Park an'ne Elvchaussee. De Hütt is ut dat 18. Johrhunnert, un hier hett sik man nich blots en Kring vun Frünnen ut ganz Europa drapen, sünnern uk beropen Dichterslüüd un Intellektuelle as Büsch, Reimarus, Klopstock, Sieveking, Poel un Magdalena Pauli ut Hamborg. Dat weer för düsse Lüüd en Oort, üm sik op dat Wesentliche to besinnen. De Wöör baben an'ne Hütt "Amicis et Qvieti" meent "För de Frünnen un de Muße". Uk hüüttodaags ist dat jümmer wedder, nich man blots to Oostern, en Oase. Un welkeen weet, op dor nich villicht de Oosterhasen rümlöppt...! Fotos: Katja Renfert
|
Quellen: Phyllis Curott, "Im Namen der Großen
Göttin", Verlag Goldmann, München 1999, S. 162; "Der Große Duden - Etymologie", Bibliographisches Institut AG, Mannheim 1963, S. 485 12.4.2009 |