Logo "Wunnerwarken in Mäkelborg"Wunnerwarken in Mäkelborg, Deel 2:
Danz- un Luisenlinde Galenbeck

vun H. Jürgen Grebin


De Biller köönt Se per Klick vergröttern! Trüch kaamt Se denn mit den Zurück-Knoop op de Browser-Symboolliest.

Plan von de BurgruineGanz wied hinnen in'n Osten von Mäkelborg-Vörpommern licht dei lütte Urt Galenbeck — in dei Näh von Friedland un dicht an denn Galenbecker See. Ook dei Burchruin (Bild links) hett dissen Urt bekanntmaakt. Dei ist is in dei Johren 1978 bit 1987 utgraben worn.

Hier steiht de Danzlinn, de wi hüüt besöcht. Se hett ok den Naam "Luisenlinde", villicht na de preußische Königin Luise.

Koort von de Gegend. In'n bblauen Krink Galenbeck

In'n Winter is dat Gerüst besünners good to kennen.
In'n Winter is dat Gerüst besünners good to kennen.

Dei Danzlinn steiht an'n Rand von ein ehemaligen Gorden von ein Fachwerk-Gaudshuus in Galenbeck (Kreis Mäkelborch-Strelitz). Dei Danzlinn is üm dei 150 bit 200 Johr old. In dei Linn is ein Fachwerkgerüst buucht worn, dei as Danzboden fungiert. Ditt Fachwerk is miehrere Meter hoch. Dat Podest dräächt ein Gelänner un is oewer ein Trepp tau erreichen.


In'n Sommer is binah nix mehr to sehn von dat Gerüst. Rechterhand de Trepp, een klabastert da jüst rup

Dei Kronäst sünd in twei Etagen kandelaberordich treckt, so dat sei früher ook as Traachäst för denn Danzboden deinten. Dei ünnersten Draachäst sünd bit up wenige Reste intwüschen awstorben. Dei babelsten waagerechten Äst sünd noch erhollen. Sei billen mit dei Boomspitz ein fast kuglige Kroon. Dei Stamm is hohl.

Ditt in Mäkelborch-Vörpommern einmalige Naturdenkmal wüür 1993 dörch Fachwerkgerüst erneuert un dei Boomkroon Anfang 2000 trüchschnäden.

 

Up den Weg na de Luisenlinde
Up den Weg na de Luisenlinde

Ankamen!


Hier kannst besünners sehn, wa de Kroon stutzt wür. Foto: Dr. N. Krauß, Neubrandenburg

Dei Danzlinn sünd oft ook as Gerichtslinn nutzt woorn — baben wür danzt un ünnen wüür Gericht hollen. Ditt stammt woll noch uut dei vörchristlich-germanisch Tied, wo dei Linn as dei Boom Freyas (Göttin von Leiw, Lustborkeit un Wohrheit) güll. Deshalw wüürn dei Feste, Hochtieden un Fiern ünner dei Linn awhollen, spärer up dei Podeste. Dei ollen Thingversammlungen fünnen dor statt, denn hier güng dat üm Recht un Wohrheit. Man wir oewertüücht, dat ünner dei Linn keiner wagen wüür, tau löögen. Denn harr hei sick denn Zorn von Freya up denn Liew haalt.

Dei hooge Bedüdung von Linn blääw erhollen — ook na Inführung von Danzlinn in lütteren Urten, dei dei Gerichtsborkeit harrn. In gröttere Urte wiern sei Buumaßnahmen taun Opfer follen.


Fotos, wenn nich anners seggt: Hans Jürgen Grebin
Översicht över de Bidrääg
5.10.2008


na baven