Wappen vun Schlagsdörp

Disse gewaltige Linn steiht in den Uurt Schlagsdörp in Nuurdwestmäkelbörg, südwestlich von den Klützer Winkel. 20 Meter hooch un mit einen Stammümfang vun knapp 9 Meter, is sei ook in dat Uurtswappen vun Schlagsdörp verewigt. In dat Wappen kann man ook sehn, dat dei Schlagsdörper nich bloots up dei Linn, sünnern ook up ehr ole Kark un de Seen ümto stolt sünd.

Ünner disse Linn hoell ann 7. Oktober 1518, also vör 502 Johren, dei Hertoch Magnus II, Hertoch tau Mäkelbörg, ein Landgericht aw. Hei harr sik mit dei Kark in de Wull un hett dormalen bestimmt, dat dei Dörpslüü kein Afgaven mehr an den Bischop betahlen schulln. Dei Bischop hett em dorför mit den Karkenbann beleggt. Opletzt hemm sei sik aver verdragen.

Dei Saach vertellt, datt ein Schimmel, dei Steine för den Kirchenbu herankarrte, dood blaew, wiel hei ganz kaputt worrn wier. Uut Dankborkeit hett man ditt Pierd südlich von dei Kark begraben un plannte ein Linn upp sien Graw. Dat wiest up ein Planten in dei Mier von 12. Johrhunnert hen. Dat Hinrich dei Lööw sülven dei Linn plant hett, seggt ook ein Saach, aver dat weit man ook nich wiss. Disse Linn moet dornah 1518 ook al ein ganz stattlich Boom waest sien. — Dei mächtige romanische Dörpskark is blangenbi hüüt noch erhollen.

Ook later blaew dei Linn ein Uurt för Tausamenkünft, Landgerichten usw., un anschienend ook för dei Strafen, dei dor utspraken wüürn; uut dat Johr 1589 is oeverlevert, dat dor ein Pahl upstellt wuur, an den dei Lüüd fastbunnen wüürn, dei tau Karkenstrafen verurdeelt wuurn. Dat wiern Lüü, dei sik unbotmäßig gegen dei Preisters benahmen harrn, aver ook welk, de Gewaltdelikte, Bedrug orr Deifstahl begahn harrn — denn sowat bestraaf dei Kark ok.

Gerichtslinnen sünd oewer ganz Düütschland utbreidt un bekannt un stellt taumeist schön, ehrwördige un majestätische Boem dor — so ook düsse Linn. An'n 30. April 1994 wüür disse Gerichtslinn uut Mittel von ein Spenn dörch ein Aktion von dei Naturhilfe e. V. saniert.

Dei Graffkrüüzen stammt ut dat 19. Johrhunnert un sünd somit
veel jünger as dei mächtige Linnenstamm