De Buernhoff in Tellingstedt

vun Marita Pollak



Koornfeld. Bild: Gabi Schoenemann/Pixelio

Dat Aventüer fung bi mi al
bi de Busfohrt an.
Ik wörr en lüütje Deern,
de Sünn schien warm,
un ik vertell jeedeen:
"Ik heff al mien niege Kneestrümp an."
De Bus feuhr los,
mien Grootöllern wörrn
ok dorbi.
Ik freu mi
op den Buernhoff,
he weer bannig groot.
Op de velen Deerten.


Schaap. Bild: kladu/Pixelio

Dat weer jo wat för mi,
dorüm müch ik ok so geern dor hen,
üm dat all to sehn.
Wieschen un Feller hürt noch dorto,
mit Keuh un Peer.


Buernhoff. Bild: J.F.Herring d.Ä. (1795-1865)

De Bus holl an, wi stegen ut
un güngen bit to'n Buerhuus to Foot.
De frische Luft deiht goot.
Vör den greunen Tuun
seet Harras, en grote Schäperhund.
Eerst bellt he luut,
over as he uns wedderkennt,
lött he uns op'n Grund.
Op eenmal keem en Kalkuun luut
kullern üm de Huuseck,
wat heff ik mi verschreckt!


Kalkuunen-Poor. Bild: Thomas Max Müller/Pixelio

Ut de Huusdöör keem,
dörch den Larm,
Tant Olly, de Swester vun'n Buern,
dörch den Goorn.
Unkel Johann, de Buer, leep achteran.
De Freud över dat Weddersehn
wörr bi uns allen groot,
nu harr ik ok Moot,
Harras to strokeln,
de Kalkuun weer ok verswunnen.
Nu geev dat eerstmal Kaffee
Bruuswoter un Koken.
Un denn nohm mi Tant Olli
bi de Hand,
un wi güngen to den Deerten,
binnen in'n Stall, op den Hoff,
un op dat Land.


Katten-Variationen. Bild: Jou Jou/Pixelio

Vele Katten harrn hier
en godes Tohuus,
ehr Fell wörr in smucke Farven
tekent,
jeedeen seh anners ut,
un dat gevt seuten Nowuss.
An leefsten wörr ik mi
en lüttje Muuschkatt utseuken.
Eunten, Heuhner un Geusen
harrn all ehr Küken.
För mi geev dat veel to kieken.


Messhupen. Bild: Joachim Reisig/Pixelio

In en Stall-Koben op Stroh,
weern lüttje Farken an't Jachten
un Quieken.
Dat seh so lustig un kandidel ut,
dor kiekt wi en beten to.


Fule Söög. Bild: Miguel Carulla/Pixelio

Buten op de Wieschen suddeln sik
en poor Swien in Slamm.
Ok de Keuh harrn nu ehr Kalver,
wi güngen ganz dicht an se ran.


Kauh. Bild: CBra/Pixelio

Op en annere Wiesch lopen en poor
stolte Peer, ehr Fohlen rennen
övermeudig hen un her.
Un de Schäperhund Harras leep
jümmer ordig neven uns her.
Hier wedder wegtogohn
wörr för mi bannig swoor.


Göös. Bild: Suedberliner/Pixelio

Ik kann noch veel vertellen
vun düssen wuunerboren Buernhoff,
vun olen Kutschen, Heuböön,
Ooft-Wieschen, bie't Melken tokieken,
mit annere Kinner Versteken spelen,
dat Plumps-Klo wörr ik ok nich vergeten.
Bi de Kantüffeloornt hölpen
un jümmers veel Spooß hebben.


Gassen. Bild: Gabi Schoenemann/Pixelio

Tant Olly loot dat sik nich nehmen,
uns en poor Mettwüst, Bleudwüst,
Lebberwust, goden Schinken,
Kees, Koken un Ooft mittogeven.
Doröver kunnen sik mien
Grootöllern bannig freuen.
Wokeen eenmal op en Buernhoof weer,
de kann mi seker verstohn.
So en Buernhoff is eenfach to scheun.


Teknen: Marita Pollak


31.5.2009


na baven