|
Segg mi, wat de Wohrheit is?
Jesus swiggt. Pilatus kriggt keen Anter.
Elkeen mütt de Weeg alleen finnen.
Un wat dat Geweten?
Judas is nich de Verräder, för den binah all em hollen.
Ok hier is Swiegen de Anter.
Un de Wohrheit över Judas?
Un mit disse beiden Frågen gahn wi dörch
uns Leven.
Maal binah vergeten, denn avers as een Zentnerlast up de Seel.
Wi sünd Pilatus! Wat wörrn wi för de Wohrheit geven!
Wi sünd Judas, glöven, to verstahn un daun dat Verkehrte.
Wi weiten woll, dat an’t Enn vun uns Leven een
Puurt steiht.
Dat wi wedder to Ierd warden, von de wi nahmen sünd,
In disse düstern Daag gahn wi ruut un dörch de Puurt:
Dor sünd all Steden von den Öllern, Kinner, Maten,
de ehr Reis een End funnen hett.
Wi gahn in’n Düstern, keen Licht will uns lüchten.
Wi laten dat stahn dor buten in Düsternis, gahn
in Gedanken
noch maal de Weeg mit uns Doden un fragen:
Seggt uns, wat is de Wohrheit?
Un wat dat Geweten?
Denn kunn’n den Sinn wi griepen?
|
