Fleder vun Karl-H.Nissen |
Dit Johr hett dat fein henpasst, de
Fleder hett jüst an den rechten Dag blöht. Männich Johr
harr he sien Tiet al hatt, weer al verblöht orrer he weer
noch gor nich so wiet. Dat hett dat ok geven. Doch en groten Flederstruuß,
de höör elkeen Johr to Mudders Geburtsdag. Un in dit Johr
müß dat en extragroten Struuß sien. Un dat hett denn
ja ok fein henpasst.
Se hett enen goden Platz. De is as en gröne Wisch, blots hier un dor steiht noch en Steen orrer en Krüüz, un in de Mitt wasst en groot Eekboom, un jüst dor is Mudders Platz. Se hett dat in ehre Levenstiet nich jümmers licht hatt, un so weer dat kamen, dat se so'n beten na, ik segg mal energisch worrn is. Se harr so allerhand Snacks parat. De vertell ik hier nich, man, as ik dor stünn un simuleer un mit ehr snackt heff, dor is mi dit un dat infullen. Ik heff mi meist en beten höögt. In de Twischentiet weern swatte Wulken rantrocken. Dat füng
to regen an, eerst sachen, man denn jümmers leger. Ik heff mi
ünner de Eek vertrocken un den Schirm upspannt. Wieder weg grummel
dat. Sull ik w Ok hüüt, an ehren hundertsten Geburtsdag. Fotos: Rudi Witzke
11.6.2006 |