Wees fief Minuten still
31. August

Ji köönt nich to lieke Tiet drinken ut den Kelch vun den Herrn un ut den Kelch vun den Düvel.

1. Korinther 10, Vers 21

Ji köönt nich to lieke Tiet!
Worüm nich?
Eenfach dorüm nich, wiel de, de dien rechte Hand nimmt, di na rechts treckt, un de, de dien linke Hand nimmt, na links. Dat is de Grund, worüm wi uns so oft föhlt, as weern wi uteneen reten, un dat is ok de Grund, dat wi so oft ahn Versöhnen sünd.
En Leven lang mit duppelt Korten spelen maakt nervöös.

En Leven lang na links begöschen un na rechts dit un dat toseggen, lett uns keen Freden finnen. Wi sünd denn as Minschen, de Schulden hebbt und mit niege Schuld ole Schuld decken wüllt. Dat Lock warrt jümmers grötter. Dor is de Fraag, wo lang wi so noch wieder maken wüllt.

Wo lang noch?

Ji köönt nich to lieke Tiet! Ji köönt dat würklich nich! Aver de Herr is goot. He langt ok na uns linke Hand. He lööst unsen Krampf. He maakt uns Fesseln los, dor, wo wi uns verkehrt — falsch — bunnen hebbt.

He sä to mi: "Holl di an mi,
denn schall dat seker gahn;
ik geev mi sülven ganz för di,
will ganz för di instahn.
Denn ik höör di un du mi to,
woneem ik afbliff, bliff du ok,
us kriegt se nich ut'nanner."

Na Martin Luther

To'n Anhören hier klicken:

Lesen deit Anke Nissen in Holsteiner Platt.