Wees fief Minuten still
29. Februar

Dat ji dat man weet,
ji sünd nich mit Sülver orrer Gold erlööst worrn,
wat vergahn kann.

1. Petrus 1, 18

Sklaven köönt dörch Geld losköfft warrn.
Länner, de versklaavt sünd, köönt dörch Waffen frie warrn.
Dit Knecht-Sien kunn aver nich dörch Gold un ok nich dörch Waffen verswinnen. Dat güng blots dörch Christus sülven un dörch sien Opfer.
Dorut folgt, dat dat keen höhern Pries geven deit.
Dorut folgt ok, dat dat keen grötter Knecht-Sien geven deit.
Sklaverie ünner Minschen un de ehre Systeme steiht in keen Verhältnis to de Sklaverie ünner Sünde, Dood un Düvel. Dorüm weer de hööchste Pries nödig. Dorüm kann een dit Frie-Warrn nie nich verleern. Frie-Warrn vun Systeme köönt sik mit de Tiet sehr wohl ännern. Un wi, in uns Geschichte un uns Generation, wi köönt dat betügen.

He aver maakt duurhaftig Tatsachen. Nich mit Gold orrer Sülver orrer Waffen.
Dankt wi Gott, he hett dat för alle Tieden maakt.

O Gott un Herr, wi dankt di, dat wi weten dörvt, dat wi nich mit Sülver orrer Gold, wat vergahn kann, erlööst sünd, nee, dat wi dörch dat düür Bloot vun dienen Söhn Jesu Christi erlööst. Maak uns jümmers düütlicher, wat dat heet. Laat uns dor hüüt vun leven, dat wi för alle Tieden froh warrt.