Wees fief Minuten still
6. Oktober


Andacht vun Heinrich Giesen, in Platt bröcht vun Marlou Lessing

Allens is mi mööglich dör den, de mi mächtig maakt: Christus.

Philipper 4, 23

Jesus deit sien Wark dör uns an annere.

Jo, ok mit uns Malöörs un Nedderlagen, jo, ok dormit, dat uns de Nerven dörgaht, dat wi Sünner sünd, dat wi uns rümquäält. So richtig kannst dat narms sehn, dat "allns uns mööglich is". De een sünnigt, un wi sünnigt, de een fallt op'e Nees, un wi landt op'n Buuk. Man hier kümmt allens op'n Punkt: Bi uns sünd de Sünnen wegsmeten! Wi sünd beweglich för dat Wark vör uns. Wi sünd mächtig maakt, wieldat Christus uns Nixkönnerie tonicht maakt. Dormit kümmt Christus sülvst dör uns to dat, wat he warken will.

Miteens is denn dor een, de an Christus glöövt un betüügt, dat weer vun uns kamen, vun uns Doon un Snacken un Denen. Man wi köönt uns dor gor nich an erinnern, dat wi dor en Rull speelt hebbt. Wi brukt uns Macht nich wies warrn. He blifft mächtig. Bi uns kannst gor nix Grotes sehn. He blifft groot. Wi sünd keen christliche Baasen. He is dat, de dat Niege schafft.

Herr Jesu, help, dien Kark erholl!
Wi sünd ja leeg un fuul un koolt;
gifft Spood un Heil du mit dien Woort,
denn schallt dat noch an mennig Ort.

Na Nikolaus Selnecker


4.10.2015


na baven