GlücksbringerGlück

vun Silke Frakstein


Wat is dat? De Lottofee mit'n Million? Nee, seggt de anner, dat is ne Reis in de Südsee. Och wat, Glück? veer gesunne Kinner.

Ach Kinners, dat gifft so veel. Enen Sünnenünnergang an't Woter orrer in de Bargen. Een Ros in vulle Pracht un in de Mitt de Immen, de flietig Honnig klaut. Orrer ganz eenfach — gesund — blieven.

Pixelio.de ©  Gerd Wolff
Pixelio.de © Gerd Wolff

För mi is Glück: In'n Schummern op mien Balkon to sitten. De Dag geiht un de Nacht is nich mehr wiet.

Mit'n Mol koomt dor de Mai-/Junisebbers un fleegt hen un her. Süht meist ut, as weern se besopen. Ssssssssssssmmmmmmm, överall brummt se gegen. Klack, liggt wedder een op'n Disch. Lütt beten bedusselt rappelt he sik op un torkelt wedder no boben, no de Dackrönn.

De Swulken suust an'n Heben mit ehr Szzzzzz Szzzzzz Szzzzzz.
Dorto dat Abendleed vun de Drossel. Dammi ne, wat so lütte Vagels allens op de Pann hebbt. Keen Konzert is scheuner.

Fladdermuus
Bild: Wikimedia Commons

Un denn, en beten loter, meist kunnst nix mehr kieken, koomt de Fladdermüüs.
Künstler, jawoll Künstler sünd dat. Se suust op mi to, vunwegen de Maisebbers, zack enenHoken, wedder no ünnen, no boben un so geiht dat Rotwienwieder. To heuern sünd se nich.

De Luft is swoor un allens in mi fangt an to singen, wo scheun düsse Ogenblick is. Mien Hart is free un wiet.

Schietbüdel kümmt mit'n Glas Rotwien.

Glück? Dat is, wenn du mit di tofreden un in Neendörp to Huus büst.

De Moond an'n Heben denkt dat ok un plinkert uns to.

Bild: Silke Frakstein
Bild: Silke Frakstein



4.6.2006


na baven