vun Henning Eggers

Ik glööv an Gott, den Ursprung vun allens, wat is,
de dat Lewen schapen hett.
He is de Quell, ut de allens fleeten deit.
He will, dat wi sien Schöppung bewohrt!

Ik glööv an Jesus Christus, Gott sien Söhn,
den Botschopter vun Gottes Leev'.
En Minsch, de Kinner segent hett,
Fruns- un Mannslüüd beweegt hett,
Lewen gesund möckt un Grenzen överwunnen hett!
He is an't Krüüz slaan worn.
Sien Krüüz wör dat Teken vun uns Hoopnung,
dat ok de Doot nich tweimoken kunn!

Ik glööv an den Hilligen Geist,
Wiesheet vun Gott,
frie as dat Weihen vun den Wind!
De Geist vun uns Gott opent mi för annere Minschen.
He schenkt Knööf to Verdrääglichkeit un Moot för Toleranz.
He hölpt mi Gott, to vertruuen un sien Wöör to verstahn;
he is bi mi op den Wech dörch dat Lewen!

Amen.