Digitalbild: Rudi Witzke

"Vor dem blutigen Chaos im Irak sind 800.000 Menschen nach Syrien geflohen. Jede Woche kommen 4000 weitere hinzu. Zurzeit strömen scharenweise Christen über die Grenze: In ihrer alten Heimat werden sie verfolgt, in ihrer neuen erwartet sie ein Leben in Elend."
Ut en Blatt

Wi bidden för de Bröder un Süstern,
de üm ehren Gloven Nadeile hebbt
un nastellt ward:
Giff jüm Kräfft,
dat se in ehr Klemm
dat Höpen nich verlieren.

Wi bidden ok för de Verfolgers:
Maak ehr Hart op för dat Leed,
dat se annre andaut.
Laat se Di in de Opper
vun ehr Daun wies warden.

Wi bidden Di för alle,
de üm religöse, politsche Grünnen,
üm ehr Huutfarv nastellt ward.
Kiek op dat Unrecht,
dat se tostött, un schenk jüm Dien Neegde.

Wi bidden för de Kark:
Maak unsen Gloven stief
dörch dat Tüügnis vun uns
tosetten Bröder un Süstern.
Maak uns weik för de Noot
vun alle Unnerdrückten
un modig gegen elkeen Unrecht.

Digitalbild: Rudi Witzke

Wi bidden för all,
de mit dat Opper vun ehr Leven
Tüügnis för Di afleggt hebbt:
Laat se Dien Wunnerboorkeit beleven.

Gott uns Vadder,
in dat Beden drägen
wi dat Leed vun de Jaagten vör Di
un de Klaag vun de,
de se de Spraak nahmen hebbt.
Wi truun up Dien Barmen
un priesen Dien Goothartigkeit
dörch Christus unsen Herrn un Gott.

Amen.

Avendländsche un morgenländsche Christenlü diskereert mit'nanner; 13. Johrhunnert

De an Christus glöven un em nafolgen, leven al veel länger in de Lännerien,
wo nu annre dat seggen hebbt.