Neiet Testament: Gerechtigkeit
Mt 5,6
Sälig, dei hungert un döstet nao dei Gerechtigkeit;
dei schäöllt satt wern.
Mt 5,10
Sälig, dei wägen dei Gerechtigkeit verfolgt werd; ehr
schall dat Hemmelriek hören.
Mt 5,20
Dörümme sägge ick jau: Wenn jaue Gerechtigkeit
nich masse grötter is as dei van dei Schriftkünnigen
un dei Pharisäers, schäöllt gi nich in dat Hemmelriek
kaomen.
Mt 6,1
Wohrt jau, praohlt nich mit jaue Gerechtigkeit vör dei Menschenken,
süss schäöllt gi kienen Lohn van jauen Vaoder in'n
Hemmel kriegen.
Mt 6,33
Jau aower mutt et taueiers üm sien Riek un üm siene
Gerechtigkeit gaohn; denn schäöllt gi aals annere dor
taubi kriegen.
Mt 23,23
Passt up, gi Schrifkünnigen un Pharisäers, gi Krüpers!
Gi gäwet den Teihnten van Minze, Dill un Kümmel un achtet
nich dat Wichtigste in't Gesett: Gerechtigkeit, Barmhartigkeit
un Fastigkeit. Man mutt dat eine Daun, ohne dat annere wegtaulaoten.
Lk 1,17
Hei werd mit den Geist un mit dei Kraft van Elija vör den
Herrn angaohn, üm dat Harte van dei Vaoders wedder nao dei
Kinner tau leiten un dei Buckbeinigen tau dei Gerechtigkeit tau
föhren un so dat Volk för den Herrn praot tau maoken.
