Bild: Rudi Witzke

Psalm 43
Bidd üm Lecht un Wohrheit

Richt mi Gott, un föhr miene Saak
tegen dat unhillige Volk un rett'
mi von de veniensch' un tücksch' Lüüd!
Denn du büst de Gott von miene Stärkde;
woto verstöttst du mi?
Worüm lettst du mi so bedröövd gahn,
wenn mi mien Fiend wrangelt?
Schick dien Lecht un dien wahret Woort,
dat se mi leit un bringt mi to dienen hilligen Barg
un dorhen, wo du wohnst,
dat ik harin gah to'n Disch Gottes,
to den Gott, in sien Hilligdom,
de mien Jubel un Wonne is,
un di Gott, up de Harp Dank segg,
mien Gott.
Wat bedröövst du di, miene Seel,
un büst so wehrig in mi?
Tööv up Gott!
Denn ik warr em noch Loff seggen,
dat he in mien Oogen Hölp un mien Gott is.

Psalm 43