Digitaalbild Rudi Witzke

De Katechetin

vun Karl-Heinz Sadewasser, Pastor i.R.

En jungsche Katechetenfru vertell eis ehr Kinner von Jesus, woans hei en arm Wittfru ehren einzigen Söhn, dei doot bläben wier, werrer in't Läben ropen hett. Dorbi hett dei Christenlihrerin enen Spruch ut den Timotheusbrief vun Paulus mit ehr Kinner liehrt, un dei heit so:

"Christus hett den Doot dei Macht wegnahmen
un hett dörch dat Evangelium Läben an't Licht bröcht."

E.Le Sueur 1639, Erweckung des Jünglings von Nain

As dei Katechetin mit ehr Christenlehre-Stunn tau End wier, luur en Telegramm up ehr: Sei müch fix na Huus kamen, ehr Vadder harr enen Schlaganfall kregen. As sei to Huus ankeem, wier hei al storben.

Miernmank dat Läben wier miteis dei Doot kamen un bi all dat Truurn un Affschiednehmen stünn nu Paulus sien Wort vun den Doot un sien Macht un vun Christus, dei dor gegenan Licht un Läben bröcht hett.

Gegen den Doot is kein Kruut wussen, seggen wi, aver een is em öber west: Christus; dei is sülben in't düüster Loch vun't Starben fullen un uns Herrgott hett em dor ruthaalt. Wenn wi dat glöben können, denn mütt uns nich bang sien bi all dat, wat ok allens bi uns tau End geiht.

Digitaalbild Rudi Witzke

Wo du nu in Düstern läävst, dor kann dat werrer hell warden. Upstahn dor gegen an können wi, wo Leiw un Tauversicht affstarben. Wenn Minschen starben, können wi bi ehr an dei Siet blieben, so as dei Helpers vun'n Hospizverein uns dat vörmaken.
Un wenn't an't eigen Starben geiht, denn können wi glöben, dat dor an't End von den düüstern Tunnel Licht un Läben up uns luurn.

Gauden Daag!

Bild: Rudi Witzke