Wiehnachten vör den Stall

In den Stern sien Lecht, still un sacht,
seiht wi den Stall in düüstern Nacht.
Kien grotet Huus mit väl düre Pannen,
blots ein schlichten Stall vör dei Dannen.
Hier is kiene luute, rauhe Welt,
dei Säle finnt Ruh, nümms dor schellt.
In Fräen hier in dei frohe Tied
faotet wi neien Maut un sünd blied‘.
In disse lüchten Wiehnachtsnacht
hollt bi Schepers dei Engels Wacht.
Mia un Joop wohrt dat Jesuskind,
in dei Stall-Krüppen kummp kien Wind.
Dei Herrgott kummp schlicht un klor,
dei Krüppen wiest, hei is all lange dor.