Naug Äten för aale Lüe. Bild-Idee: Ludgerd Lüske, Microsoft. Klick = Vergröttern

Den Sönndag Laetare neumt man nao den Anfang van ein latinschke Antiphon: "Laetare cum Jerusalem, et exsultate in ea, omnes qui diligitis eam" — Frai di mit Jerusalem, un laot tausaome kaomen, dei di leiwt. (Jesaja 66, 10.12)

Dei Sönndag Laetare ligg midden in dei Fastentied un heit uck "Middfasten". Van dat Evangelium kummp dei Naome "Brotsönndag". Dat Evangelium vertellt, dat uck bi eine knappe Laoge aale satt werd.
In dei eiersten Fastensönndage güng et üm use Schuld bi Gott. Nu kummp Gott sien Warken, at Antwort up use Sünnen. So werd dei Sinn van use Evangelium dütlick. Gott maokt us frei van use Sünnen, dat käönt wi nich mit use eigen Kraft. So duukt in dei Fastentied dei Fröhlichkeit up. Gott helpt freiwillig. Dat helpt us dör dei Fastentied.

För use Volk un för aale Völker up dei Welt bäet wi, dat Geld nich dei Welt regeiert. Wi bäet för dat Wohren van dei Ümwelt un för ein menschlicket Utkaomen. Wi bäet: Giff dei Regeiern Insicht, dei meent, dat man mit Gewalt sien Föddern dörsetten kann. Giff Freden, wor Krieg is. Giff neiet Läben. Help us gägen dei Angst, dat wi wedder Maut kriegt. Bi aal dat Düstern maok ein Lecht an. Leit us mit diene Fraide nao einen christlicken Freden.

Laetare Jerusalem:
et conventum facite
omnes qui diligitis eam:
gaudete cum laetitia,
qui in tristitia fuistis:
ut exsultetis, et satiémini
ab uberibus consolationis vestrae.
Laetatus sum in his quae dicta sunt mihi:
in domum Domini ibimus.
(Isaia 66,10)

Frai di mit Jerusalem,
un laot tausaome kaomen,
dei di leiwt:
Frait jau mit Pläseier,
gi, dei truurig wörn,
dat gi jubeln un satt wern käönt
ut dei Wellen van Troost.
Ick frai mi äöwer dat, wat man mi sä:
Wi gaoht in dat Huus van den Herr.

Antiphon: Laetare cum Jerusalem, et exsultate in ea, omnes qui diligitis eam
Bild-Daoten: Cinerecilicio
Luuster hier: Youtube