Na Aarndank: Leed för de Eer

vun Gertrud Everding, na den Choral "Wir pflügen und wir streuen" un dat Buernleed vun Matthias Claudius



Bild: Vincent van Gogh

Wi plöögt nu, un wi krümelt de Saat woll op dat Land,
Doch mennig kloke Minschen makt dor ut nix as Sand.
Besprütten dat vun baven mit ganz veel Gift, as Sweet.
Do starven Reh un Hasen, höörst ok keen Vagelleed.

Gott alleen gifft allens, wat Minsch un Deerten bruukt.
He hett uns schenkt de ganze Eer! Maak Du se nich kaputt.


Bild: ML

Ik frei mi över Wellen in't grote wilde Meer.
De starken Bööm, se ruuschen, de Vagels tereleert.
Gah ik an'n Strand spatzeern, dor sehg ik Plastik swemm'n —
O Gott, hölp Du de Deerten, de sik dor in verklemm'n!

Gott alleen gifft allens, wat Minsch un Deerten bruukt.
He hett uns schenkt de ganze Eer! Maak Du se nich kaputt.


Bild: Ludgerd Lüske

Se wüllt hüüt ok keen Goorn mehr, se plastert geern em to.
Gift fodert se de Swien, un se malträteert de Koh.
De Höhner leevt nu ok al mit'nanner in't KZ.
Schall ik woll Eier leggen? Ik bliev denn glieks to Bett.

Gott alleen gifft allens, wat Minsch un Deerten bruukt.
He hett uns schenkt de ganze Eer! Maak Du se nich kaputt.


Bild: ML

Nu makt se ok noch Fracking, bald brekt de Eer woll twei.
Denn makt se dicke Backen, wat's dat för Slamperei?
Wi tahlt doch noog Moneten! Dat kann doch gor nich ween!
Vun wat kriegt wi en niege Eer? Wi hefft doch bloots de een!

Allens hest du kregen ut Gott sien Herrlichkeit.
Wees dankboor un holl du in Ehr, wat He di geven deit.


Bild: ML


7.10.2015


na baven