Dat is lichter,
en Elefant in dat fien Lock vun en Nadel to dwingen,
en braden Fisch in de Melkstraat to fangen,
de Groote See ümtoplögen,
en Krokodil den Kopp to verdreihn,
as mit Nastellen
den blinkern Murr vun unsen Gloven
orrer uns Vörankamen tonicht to maken.
Wi sünd dusend Wunner,
de sik överall wiest,
in Lidda, Ramla un in Galiläa.
Wi blievt hier,
en Muur op juun Bost.
Wi wascht dat Geschirr in juun "Bars",
wi füllt juun Tassen, wi fegt juun Köken,
dat wi för uns smachten Kinner
lütt beten Broot kriegt.
Wi blievt hier,
een Muur op juun Bost.
Wi sett uns in gegen den Hunger,
sett uns in, in Lumpen kleedt.
Wi föddert juuch rut, singt juuch Leeder,
doon op juun Festung mit unsen Stolt.