Ooge un Oogen in dat Neie Testament
Wenn di dien rechtet
Ooge tau Leipkeit verföhrt, denn riet dat ut un schmiet et
weg! Et is bäter för di, dat ein Deil van dien Liew
verlüß geiht, as dat man dienen heelen Liew in dei
Hölle schmieten deit.
Mt 5,29
Gi häbbt hört,
dat seggt wörd: Ooge för Ooge un Tähn för
Tähn.
Mt 5,38
Dat Ooge giff den Liew
dat Lecht. Wenn dien Ooge gesund is, denn werd dien heele Liew
lecht wän.
Mt 6,22
Wenn aower dien Ooge
krank is, denn werd dien heele Liew düster wän. Wenn
nu dat Lecht in di Düsterkeit is, wo groot mutt denn dei
Düsterkeit wän!
Mt 6,23
Worümme sühs
du den Kiel in dat Ooge van dienen Brauer, aower den Balken in
dien Ooge markes du nich?
Mt 7,3
Wo kanns du tau
dienen Brauer säggen: Laot mi den Kiel ut dien Ooge ruttrecken!
— un dorbi sitt in dien Ooge ein Balken?
Du
Leigbüdel! Treck taueiers den Balken ut dien Ooge, denn kanns
du verseuken, den Kiel ut dat Ooge van dienen Brauer ruttautrecken.
Mt 7,4-5
Nee, wi vertellt dat,
as et in dei Schrift steiht, wat kien Ooge seihn un kien Ohr hört
hett, wat kien Menschk in den Sinn kreeg: dat Groote, dat Gott
för dei praot hollt, dei üm leiwet.
1Kor 2,9
Un wenn dat Ohr segg:
Ick bün kien Ooge, ick hör nich tau'n Liew!, so hört
et doch tau'n Liew.
1Kor 12,16
Wenn dei heele Liew blots
Ooge was, wo bleef denn dat Ohr? Wenn hei bloots Ohr was, wo bleef
denn dei Näsen?
1Kor 12,17
Dat Ooge kann nich tau
dei Hand säggen: Ick bruuk di nich. Dei Kopp kann nich tau
dei Fäute seggen: Ick bruuk jau nich.
1Kor 12,21
Süh, hei kummp mit
dei Wulken, un jedet Ooge werd ühm seihn, uck aale, dei üm
dörbohren dön; un aale Völker up dei Eern werd
wägen üm jüllen un klaogen.
Offb 1,7
Jao amen.
