 |
|
vun Heinz Tiekötter Kennst du düssen Typen? Hebbt Ji ok so een? Duschen deit he in Sportvereen, denn kost dat nich sien Warmwoter. Wenn bi em twee Wienbuddls nich ganz leddig worden sünd, denn lood he in to ne Wienproov. He rekent fast dormit, dat vulle Buddels mitbröcht ward. Sitt wi in Kroog un bestellt reihüm, mutt he kott vörher no Huus, ehr dat he an de Reeg is. Wenn de Kröger Fierobend moken will un uns Stammdisch langsom toenn geiht, sall de Krögersch man allens tosomentrecken. Wi deelt uns dat schon. Denn rund wi uns Andeel op un un elkeen gifft 'n lütt Drinkgeld. He tellt dat denn nochmol dörch un gifft nix. He meent denn, dor liggt al veeltoveel!
Is he to Beseuk, denn duert dat nich lang un he besöcht dat Klo. Wenn he vun Tante Meier trüch kummt, denn rückt he intensiv no Rasierwoter orrer den Herrenduft, de dor opdat Regool steiht. Af un an rückt he ok noch Chanel 5; denn hett he nichgenau henkeken un den falschen Buddel nohmen.
Tweemol in Johr gifft dat in uns Kroog 'n grotet Eten. In Winter is dat Greunkohl orrer Iesbeen mit Suerkruut un in Vörjohr Spargel un Schinken. He kümmt ninich ohne Plastiktüüt. Dor sünd twee Schötteln mit Deckel in. Sünd wi dörch mit de Schlemmeree un denn sitten wi noch bi Köm un Beer tosomen. He geiht denn allmol in de Köök un froogt, wat dor wull wat nobleben is. Dat weer jo nu allens betoolt. Is veel öberbleven, kannst du seker sien, he begööscht den Kröger or mookt 'n Handel. Veer Weeken loter lood he denn to'n Eten in. De Gäst süllt man för de Gedränke sorgen. He ward för dat Eten sorgen!
Riek an Frünnen is he all lang nich mehr. 27.10.2019
|
De
Giezknüppel
In
siene Stebel hett he ok mol 'n brunet un 'n swattet Stebelband. Een
weer jo noch good, as dat annere dörchreten is. Mit düsse
Kniggeree hett he mit de Tied 'n lütt Vermögen op de hoge
Kant bröcht. Siene Devise is jümmers: "Riek warst nich
vun dat, wat du innehmen deist. Riek warst du blots dorvun, wat du
nich utgiffst!" 