Dei Påschenkranz

vun Behrend Böckmann

Mardelblaum'n in'n Påschenkranz
un butenrüm dei Kükendanz,
un dei Eierlichten gäben
Tauversicht up nieget Läben.

So as dei Herr is uperståhn
sall dat Läben wiedergåhn;
hei dröch för uns dei Durnenkron,
leed an'n Krüz väl Pien un Hohn.

Påschen ward taun Eierfest,
denn Eier sünd dat Allerbest;
dei Häuhner leggen weit wi dull,
dei Nester sünd nu proppenvull.

Un dat gifft all väle Johr
ok Eier fien ut Schokelor;
af Hornung warden's hannelt —
wat hett sik Påschen wannelt!

Hüt hett dei Osterhås dat Seggen,
deit ok Ostereier leggen,
œwer is em ok bekannt,
dat Ostern einst wür Påschen nannt?