Party inne Dönsk:
Dei Tupperparty

vun Behrend Böckmann

Evi wull mål wat beläben
un däd 'n Tupperparty gäben,
doch ihrer dat is denn so wiet
lött sei sik noch bäten Tiet
un finnt herut, dat ein Bekannt
ehr Geld verdeint as Tuppertant.

Nu trummelt Evi Lüd tausåmen,
sei sallen tau ehr Party kåmen
un wunnern œwer Tupperwor:
Schöddeln, Dosen wunnerbor,
bet jede Gästin endlich weit,
wat sei för Pött wull köpen deit.

Man lött noch dei Gläser klingen,
deit por lustig Lieder singen,
'n Tupperparty, oh, wie wohr,
ward ordert all för't neechste Johr,
mit Evi ehr so gaut Bekannt,
dei leiwe, gaude Tuppertant.