Palmarum



Bild Rudi Witzke

Hör mien Gebeed , o Gott, un wenn di nich of van Flehen!
Psalm 55, 2


Jesus ried na Jerusalem rin. Ikone

Palmsöndaag. Inzugg in Jerusalem.
Jesus, du reddst up 'n Esel dör de Straten.
Se hebbt di tojubelt un Hosiana schreit.
Palmwedels hebbt s' vör di up d'Straat schmeten
un di as hör König utröpen. All weern s'blied.
Se weern so full Hopen,
dat mit dien Heerschupp 'n neijen Tied anbreken de.
Du sullst vör hör kämpfen
un hör to hör Recht verhelpen.
Man dien Riek was nich van disse Welt.
Dat harrn s'nich begrepen.

Gien Week later klingt dor kien Hosiana mehr.
De Ton is scharper: "An d't Krüüz mit hum."

Jesus weet,
wat up hum doul kummt, un he hett so 'n Nood.
Sien Haard krampt sük tosommen,
Dodesangst överkummt hum.
He is hier ganz Minschke.
Un wenn he kunnt harr,
weer he seker wechlopen.
Man he weer ok de Söhn Gottes, de een Updragg harr.
Nu sull sük dat bolt erfülln,
wor all immer in d't olle Testament up henwesen wurr.
He flehtde sien Vader in Himmel an,
hum disse sture Padd to ersporn.
Blood un Water hett he sweet.
Man he weer gehorsoum.
He is de vörschreven Wech gohn.
He is dör d 'Dood in 'n neje Leven gohn.
Vör di un vör mi. Löövst du dat?
Wenn Jo, denn büst in Eewigkeit burgen.


Bild Rudi Witzke


Sabine Brauer

28.3.2010


na baven