Ut't Paradies verdreven

Wöör un Biller vun Rudi Witzke

„Wi sünd ut dat Paradies verdreven!“
Dat is doch al Adam un Eva passeert.

Ach so! Wi hebbt uns so seker föhlt!
Wi harrn de Natuur in’n Griff un kunnen se meist regeern.
Un bovento regeern un kujoneern wi Minschen…
Een Seebeven, een Groote Well un wi staht dor as Adam un Eva.
Nix is mit uns Macht doon.
Uns Macht makt allens leger,
wenn wi dit vergeten:

„Dat wöör ik ünner de Minschen wies as gröttstes Wunner,
dat de Eerd nich weer un de Himmel doröver
noch jichenseen Boom noch Barg,
noch jichenseen Stiern noch Sünn schient
noch de Maand lücht noch de Groote See.
As dor narrens nix weer an de Ennen un Wennen,
dor weer doch dor de eene allmächtge Gott.“

So steiht dat schreven in dat Wessobrunner Gebeet vun 790,
ja: 790. Un dörch alle Tieden reikt He uns sien Hand.