Passion 2015:
Sünndag Invocavit

vun Rudi Witzke

Dat Hungerdauk

De Kark begeiht vör Ostern een 40dagig Fastentiet. Meint sünd de veertig Wekendaag vun Aschermiddeweken bit Ostersünnabend.
De söss Passionssünndage dortwüschen sünd de Steden up den Weg Christi na Jerusalem na't Krüüz. De katholsche Kark hangt den Altaar un alle Biller mit Däuker to, de se Hungerdäuker nömen. De "7 Weken ohne" sünd Fastenweken. Allens, wat an unsen Herrn erinnert un höpen lett, ward afdeckt. Uns lengt dorna, uns hungert dorna, Teiken vun unsen Herrn wedder to seihn. De Hungerdäuker laat dat söven Weken nich to. In de evangeelschen Karken warden de Altaar un hilligen Biller un Skulpturen mit swatte Däuker verhangt.

Hungerdauk "Gotts Schöppen bewohren —
dat all leven köönt"

Hungerdauk vun Tony Nwachukwu © 2009 MVG, Aachen

"Un Gott schafft de Welt mit allens, wat leevt. As Christen glöövt wi, dat Gott die Ierd schöppt hett. Dat is överlevert: Gott sehg alles an, wat he maakt harr: Dat weer siehr gaud."

Dat Oosterlicht is en Teiken för Höpen

"In de Fastentiet gaht wi up Ostern to. De Osterkerz
lett de Gesichter vun de Minschen lüchten.
Se sünd beseelt vun'n Geist vun Jesu Christi.
Und so warden se dat Antlaat
vun de Ierd nieg maken
un Brauder un Süster vun de Schöppen sien."

Versöhnte Schöppen

"Vun alle Länner vun un Kontinente hebbt sik Minschen versammelt, een ut Europa, een Südamerikaner, een ut Asien, een Araver, ein Afrikaansche un een afrikaansche Jung as Vertreder vun de nawassen Generatschoon... Se sünd ümgeven von enen grönen Goorn, de an den Goorn Eden erinnert. Tüüchnis, wo Christen ehren Updraag to dat Bewohren un Schapen vun de Schöppen ierst nehmen."