Passion 2014
Reminiscere


 

dat gifft keen wannel. allns blifft, as dat is.
blifft in un vun un för sik. is doch good...
so leev ik... un bün eentlich doch al dood.
ok dat föhrt in keen anner welt as düss...

alternativlos is de welt. un slaten.
so wied schien't, man verlöppt doch bloots in sik.
allns in de welt smitt mi op ehr torück.
so wull ik dat — un föhl mi doch verraten.

 

 

ik söch dat wiede flach nich, bloots den rand.
gifft dor nich spleten? jichenswat, wat brickt?
dat wiest, wat noch wat anners achter stickt?

ik finn keen rand. as weer'k verdammt, so drückt
de wiede welt op mi. vun baven flüggt
en schadden... baven? wo? — vun unbekannt...

 


Biller: Rudi Witzke
Wöör: Marlou Lessing
16.3.2014


na baven