As Fründ un Fiend togliek
Rood dörch uns Leven sliekt:
Hill'ge Geist un Bloot,
leeg un good.

Op'n rood Ungedoom
drauht apokalyptsch
de Hoor vun Babyloon
in rood Kledaasch.

Rood Roos,
Teiken vun'e Leev.
Rood dat Leven,
rood Bloot un Doot.

Drööm,
meist gries, denn,
wenn se farvig kamen,
rood in uns wannern.

Rood lüchen Biller.
Stahn in uns op:
Teiken vun Hengaav,
Ängst un Noot,

vun Freud un Moot
för kamenTieden,
vun Höpen un Spood.
Laav un Dank di, Gott!

Rood!