rund kullert
rund stött
hen un hersmeten
ji runden stein

wat hebbt ji belevt
vör 100 Johr
vör 1000 Johr
so old sünd ji doch

hitt un küll
wader un ies
störm un regen
ji legen still

un in juuch
juuch seel
lütter as mien
aver seel as een seel

smarten un lengen
höpen un truern
all dat kennt ji
un liggt so still

minschen kaamt
minschen gaaht,
ji blievt swiegen
in gedüür

un minschen
schrievt
schriegt
stöhnt raupt

So Theodor Fontane:

Umsüss

Jümmer flinker flüggt de Funk,
elkeen Schipp un Spelunk
ward op Wetenschop bereist.
Elkeen Sünn ward wagen
un in Reken sülven tagen
wat achter Sünnen sik dreiht.

Jümmer högere Wetens-Tempel,
jümmer glieks dat recht Exempel,
as Natuur dat buten drifft,
jümmer kläuker un ok plietscher,
un wi kaamt doch nich wieder,
un dat Levensradel blifft.

Is allens umsüss.