He liggt good in mien Hand. Ik kunn ja mol wiet schmieten dormit üven. Man worto is wiet schmieten good?

Ik weet denn villicht, wo wiet ik goijn kann. Wann wat hebb'k dor denn van? Bi Gefohr kann'k mi mit disse Steen to Wehr setten. Doch denn kunn'k mien Gegenoöver ja glatt seer doon, oder schlimme noch, dood maken.

Foto: Sabine Brauer

Worto sall dat good wesen?

Mien Feind is vernicht'd un ik bün to'n Mörder worden.

Gott will nich, dat ik anner Lü vermoorn do.

Wat will Gott denn van mi?

He much, dat ik in Free leef, mien Heer un Heiland Jesus Christus van Harten leev hebb un hum anhang. Denn will he mien Helper wesen un vör mi strieden. He kämpt vör mi de Kamp van de Gerechten. An mien Hannen kleevt kien Blööd. Ik düür hör folten to'n Dankgebeed, wiel he, de Heer, vör mi stritt.

Worto is he denn good, de Steen?

Ik kann mi an sien Maserung frein un hum een Ehrenplatz in mien Blömenbeet geven. Un immer, wenn ik in mien Tuun an de Steen vörbi koom, doran denken, dat jedet Dingerees sien twee Sieden hett. Een Goden un een Schlechten.

Nu much ik jo noch verraden, wat dat Best an disse Steen vör mien Leven is.

He is 'n Middel, um disse Andacht to schrieven. He gifft mi de Anstött, jo 'n bittje van Gotts Leevde to jo to vertellen. De, de Himmel un Eer mookt hett, de uns so leev hett, datt he sien eenzig Söhn nich verschoonde un hum an Krüüz vör uns Sünnen starven leet. Doch Jesus bleef nich in't Grafft. De groode Steen, de d't Grafft verschloot, weer bi Siet doon, un Jesus is upstahn.

He leeft, he hett de Dood överwunnen..Jede Minschke, de doran löövt, dat Jesus vör hum persönlich dit groode Lieden up sük nohm, düürt vör immer un ewig in Gotts Heerlichkeit leven. Ok he hett dör Jesus de Dood överwunnen.

Ji mutten weten, dat mit de Dood nich allens to Een is, dornau geiht ja eerst richtig los. Denn büst du all Sörgen los. Gott sülmst wischt di de Traunen off.

Dat Böös is överwunnen. De gode Sied traggt deen Sieg dorvan! Nu hebb'k Grund to'n Freijen, wiel ik de Steen to Gotts Eehr insett hebb.

Sing mi een niegen Sang. Bild: Susanne Zingel. Klick op to'n Vergröttern!