Yad Vashem. Foto: Rudi Witzke

Dor grippt een Hand
in't Leddige,
will faten dat beten Leven,
dat uns geven.

Dat Undeert Minsch
hett jagt
se to Milljonen
in't Gas.

Kalligrafie: Rudi Witzke

Groot sünd Gotts
Smarten.
Leiv un Frieheit
geev hei uns.

Doch dörch de Tieden
geiht en breide Spuur,
rood, so rood.
Nix wascht de af.

Jordaanwater. Foto: Rudi Witzke

Schriegen müßt uns Lief,
Bevern müßt un Ierd.
"Volkstruurdag",
dat is nich naug.

Hier een Kranz,
dor poor nadenkern Wöör
un wieder geiht dat Drieven:
De Hand grippt wohrhaft

in't Leddige.