Dat weer en swoor Stück Arbeit, in de Schaal en Lock to picken! Ümmer wedder heff ik mit mien Snavel gegen de harde Schaal pickt. Endlich harr ik en lütt Lock trecht kregen. So bün ik ut dat Ei krapen.

Toeerst weern mien lütten Feddern noch ganz natt. Aver ünner dat warme Fedderkleed vun mien Mama weer ik gau dröög. Ik bün denn eenfach ünnerrut krapen.

Neven mi stünn en swatten Broder.
De kunn sik nich benehmen.
Kiek blots mal, wat he dor maakt hett!

Dat heff ik achterna mien Mama vertellt.
De hett blots mit den Kopp schüttelt.