Swienegel in de Baadwann

Hier bün ik wedder!
Juuch Murkel.


Swienplietsch kiek ik ut de Wäsch. Kannst mi dör Anklicken grötter sehn!

Swienegel bün ik aver nich. Dat is blots mien Ökelnaam!

Eenmal in de Week keem ik in de Baadwann.


Eerst mal kieken: Is dat Water ok warm noog?

De Fru hett mi vörsichtig in en Schöttel mit warm Water sett. Dat weer mien Baadwann. Hett mi goot gefulln.


Hihi, dat kettelt! — Kannst mi dör Anklicken grötter sehn!

Dor heff ik mi so richtig wohl föhlt. Mit ehr Hannen hett se dat warme Water över mi gaten.

Ik heff mi richtig aalt! Heff gor nich wüßt, wa schöön so'n warmes Baad is. Meist weer ik inslapen!


Hach, wa geiht mi dat good! — Kannst mi dör Anklicken grötter sehn!

Aver na en korte Tiet haal se mi wedder ut dat Water. An'n leevsten weer ik noch binnen bleven.


Hee! Loslaten! Dat is unfair! Ik will nich rut!

Dormit ik mi nich verköhl, wöör ik in en weekes Dook inwickelt.

Dat weer schöön mollig!
Afdrögen kunn se mi wegen mien Stickeln nich.


Op de anner Siet maakt Baden ok dull mööd! —
Kannst mi dör Anklicken grötter sehn!


Uaahhh — chrrr — zzzzz...

Up ehr'n Arm nehm se mi denn mit in ehr Stuuv.


Düsse Minschen kann ik wirklich vertruun! —
Kannst mi
dör Anklicken grötter sehn!

Dor dörf ik up ehr'n Schoot sitten un töven, bit ik richtig dröög weer.


Ahn düsse Minschen weer ik buten in den Snee doodbleven! —
Kan
nst mi dör Anklicken grötter sehn!

Leev Kinner, Juuch köönt sülvst sehn, dat mi dat richtig goot güng.
För hüüt segg ik eerstmal wedder Tschüüs!

Juuch Murkel


Un hier warrt min Geschicht vörleest:


Lesen deit Antje Heßler in holsteiner Platt.


Fotos un Text: Antje Heßler

Översicht över Murkels Vertelln

16.1.2011


na baven