Maitied, Deel 2: Van dei Taohlen

Texte för Kinner van Hildegard Tölke
— Dat Platt is dei Tungslag van't Oldenburger Münsterland. —


 

Schlapp hätt sien'n Haut verlorn!

Sett jau in'n Kreis. Jedet Kind krigg eine Taohl.

Ein Kind fang nu an un sägg:

Schlapp hätt sien'n Haut verlorn!
Seuk den Haut bi drei!

 

Drei sägg:

Drei hätt kien'n Haut.
Sesse hätt den Haut.

Sesse sägg:

Sesse hätt kien'n Haut.
Nägen hätt den Haut.

Jeder Späler mott sick siene Taohl gaut marken.
Dat Spill geiht ganz fosse (ganz schnell).
Wecker dei verkehrte Taohl sägg, mott upstaohn un nao'n drütten Maol ruut.

Dei lessden 3 Spälers häbbt wunnen.

Eine tweie dreie veier fiewe sesse säben

achte nägen taihn ölben twölwe dattaihn veiertaihn füfftaihn

sesstaihn sämtaihn achtaihn nägntaihn

twintig einuntwintig tweiuntwintig dreiuntwintig



Tell dei Haosen un maol dei Taohln greun an!





Gedanken äöver'n Osterhaosen
van M.Berger, frei äöversett in Südoldenburger Platt van Hildegard Tölke

Gistern häbb ick mi fraogt,
wecker häff den Osterhaosen maokt?
Ein Haose, dei 'ne Kiepe schläpt,
dei Eier anmaolt, dei versteckt.
So 'n Haosen giff dat nich,
nee, nee, an sowat glöw ick nich!

Nu still, was rüspert dor in't Gräss,
lickt sick dei Poten,
putzt sick dei Näs'n?

Dat is dei Osterhaose wäs'n.


Ler utwennig:

Ein, twei, drei, veier, fiew, sess, säben,
use Katt hätt Junge krägen:
eine witt, eine schwatt,
eine jüss as Naobers Katt!


Översicht över de Deelen
30.5.2010


na baven