Freei blieven
Ik kunn bi di wesen
unner de gleinerg Sünn
tegen de Brand up mien Huud
dien Kaftan overdoon
dienDook um mien Kopp
nett as du de Sand
ut de Ogen frieven
de Aam heel leeg
dat kien Stoff in de Lung kummt
up een van dien Kamelen rieden
ok dien Scheetgewehr in de Hand nehmen
di un mi defendeeren
savends dat Telt uptrecken
as du dat van dien Ollen lehrt
un an mi wiedergeven hest
mit overkrüüzde Been sitten
dien Peperminttee drinken
dien Geschichten tolustern
wo Würkelkheid un Wahrheid
eens worden
in dusend un een Nacht
an dien Sied slapen
anner Mörgen de Sünn danken
un Allah beden
freei blieven
un glückelk
Almosen
Harr di neet
in d' Ogen kieken kunnt
Kröpel as du büst
as du mi
dien Besehrtheid
wiesen deest
un dien Mund na een Dirham
froog
harr neet vullhollen kunnt
as dien Lipp en Spoor
leet
up mien Hand
de di dat Almosen
gaff
van 't Flees offallen du
rund un gesund ik
bün ik schofel
un besehrt
Kelim
Schriev mi dien Geschicht
up de Kelim
in woven Biller
mit wovööl Kamelen
sünd ji togahn
wat unnerwegens
beleven west
wor hebben ji Schuul funnen
mit de Sandstörm
bi een van de Frauen
is doch en Puppke
upstahn
well hett de Reis
neet overstahn
wor deckt de Sand
hör Grafftsteden to
wo sööt un zart was de Bruud
in bunte Kleer
un Glitzersmuck
bi de Oasenhochtied
acht Maant unnerwegens
de Karawane
up dien Kelim
